راولپنڈی ( وی او پی نیوز ) سابق وزیرِ داخلہ، عوامی مسلم لیگ کے سربراہ شیخ رشید احمد نے ٹوئیٹر پر جاری اپنے بیان میں کہا ہے کہ آج عمران خان لبرٹی چوک سے سیاست کے آخری 5 اوور کروانے جا رہے ہیں۔ میں خود بھی لبرٹی چوک جاؤں گا، جمعے کو لانگ مارچ

راولپنڈی پہنچے گا۔ دعا ہے کہ لانگ مارچ آئین اور قانون کے مطابق اپنے مقاصد حاصل کرے۔اس سے قبل کیے گئے ٹوئٹ میں شیخ رشید نے کہا تھا کہ غریب عوام اور پاکستان سنگین ترین بحران سے گزر رہا ہے۔ کمپنی کی مشہوری کے لیے شہباز شریف نے نومبر میں جتنے غیر ملکی دورے کرنے ہیں کر لیں غیر مقبول بھکاریوں کو کوئی خیرات نہیں دے گا۔ اسلام آباد کے عوام نکل آئے تو کرپٹ ٹولے کو بھاگنے کی جگہ نہیں ملے گی، نومبر میں آر یا پار ہو جائے گا۔

آج عمران خان لبرٹی چوک سے سیاست کے آخری 5 اوور کروانے جارہا ہے میں خود بھی لبرٹی چوک جاؤں گا جمعہ کو لانگ مارچ راوالپنڈی پہنچے گا میری دعا ہے کہ لانگ مارچ امن و امان آئین اور قانون کے مطابق اپنے مقاصد حاصل کرے حکمران جو انتشار اور خلفشار کا خوف پھیلا رہے ہیں وہ شرمندہ تعبیر ہو گا— Sheikh Rashid Ahmed (@ShkhRasheed) October 28, 2022