کراچی ( وی او پی نیوز ) آرمی چیف جنرل سید عاصم منیر نے کراچی میں بابائے قوم قائداعظم کے مزار پر حاضری دی، پھول رکھے اور فاتحہ خوانی کی۔آئی ایس پی آر کے مطابق آرمی چیف نے کور ہیڈکوارٹرز کراچی کا بھی دورہ کیا جہاں انہیں آپریشنل، سیکیورٹی
اور فارمیشن کے بارے میں بریفنگ دی گئی۔سپہ سالار کو بریفنگ میں اندرون سندھ حالیہ قدرتی آفات کے دوران سول انتظامیہ کی مدد کے بارے میں بھی آگاہ کیا گیا۔آرمی چیف نے کراچی میں محفوظ ماحول برقرار رکھنے میں فارمیشن، اتحادی تنظیموں اور قانون نافذ کرنے والے اداروں کی تعریف کی۔جنرل سید عاصم منیر کی آمد پر کور کمانڈر کراچی لیفٹیننٹ جنرل محمد سعید نے ان کا استقبال کیا۔
