اٹک( وی او پی نیوز ) 4 ماہ کا بچہ ڈیڑھ لاکھ میں بیچنے والا باپ اور خریدار دونوں کو گرفتار کر لیا گیا ہے ۔تفصیلات کے مطابق اٹک پولیس نے 4 مہینے کے بچے کی خرید و
فروخت میں ملوث 2 ملزمان کو گرفتار کیا ہے ۔ ملزم اپنا 4 مہینے کا بیٹا ڈیڑھ لاکھ روپے میں فروخت کر رہا تھا، بچے کی فروخت کی ڈیل کے لیے سٹامپ پیپر بھی تیار کیا گیا تھا۔اٹک پولیس نے بتایا ہے کہ اطلاع ملنے پر پولیس نے بچے کے والد اور خریدار کو گرفتار کر لیا اور ان کے خلاف مقدمہ درج کر لیا ہے ۔4 مہینے کے بچہ کو بازیاب کرا کے چائلڈ پروٹیکشن بیورو کے سپرد کر دیا گیا۔
