ہر پاکستانی سالانہ کتنا کلو آٹا کھاتا ہے؟ جان کر آپ حیران رہ جائیں

لاہور ( وی او پی نیوز )ہر پاکستانی سالانہ کتنا کلو آٹا کھاتا ہے؟ جان کر آپ حیران رہ جائیں ۔محکمہ خوراک کے مطابق ہر پاکستانی سالانہ 115 کلو آٹا کھاتا ہے۔ محکمہ خوراک کا کہنا ہے کہ ملک میں سالانہ 2 کروڑ 80 لاکھ ٹن گندم کی کھپت ہے، رواں برس چاروں صوبوں میں گندم کا پیداواری ہدف 3 کروڑ 21 لاکھ ٹن مقرر کیا گیا۔ذرائع کے مطابق رواں برس 2

کروڑ 96 لاکھ ٹن گندم کی پیداوار متوقع ہے۔پنجاب کو 12 کروڑ 78 لاکھ لوگوں کے لیے 1 کروڑ 47 لاکھ ٹن گندم کی ضرورت ہے جبکہ انہیں بیج کے لیے 8 لاکھ 72 ہزار ٹن گندم کی ضرورت ہے۔ پنجاب کی گندم کی ضرورت 1 کروڑ 55 لاکھ 55 ہزار ٹن ہے جبکہ پنجاب کا پیداواری ہدف 2 کروڑ 41 لاکھ ہے۔”جنگ ” نے محکمہ خوراک کے ذرائع کے حوالے سے بتایا ہے کہ  سندھ کا پیداواری ہدف 44 لاکھ ٹن، خیبر پختو نخواہ کا 14 لاکھ اور بلوچستان کا 13 لاکھ ٹن مقرر کیا گیا تھا۔ رواں برس پنجاب اپنی ضرورت سے 86 لاکھ ٹن زائد گندم پیدا کرے گا جبکہ پاکستان میں مجموعی کھپت سے 18 لاکھ ٹن زائد گندم پیدا ہوگی۔